गडचिरोली : गडचिरोली जिल्हा निर्मितीच्या इतिहासात आजपर्यंत कधी नव्हे एवढी कामे आपल्या आमदारकीच्या १० वर्षाच्या कार्यकाळात झालेली आहेत. सोबतच केंद्र व राज्यातील महायुतीच्या सरकारच्या योजना जनतेपर्यंत पोहोचविल्यास येणाऱ्या विधानसभा निवडणुकीत विजय नक्कीच आपला असल्याचे प्रतिपादन गडचिरोली विधानसभा क्षेत्राचे आमदार डॉ. देवराव होळी यांनी गडचिरोली जिल्हा कार्यकारणी समितीच्या विस्तृत बैठकीला उपस्थित जिल्ह्यातील भाजपा पदाधिकाऱ्यांना मार्गदर्शन करताना केले.
यावेळी मंचावर विदर्भ संघटन मंत्री डॉ. उपेंद्र कोठेकर, विधान परिषदेचे आमदार प्रवीण दटके, आरमोरीचे आमदार कृष्णा गजबे, भाजपा जिल्हाध्यक्ष प्रशांत वाघरे, माजी खासदार अशोक नेते, लोकसभा संयोजक किसन नागदेवे, सहकार महर्षी प्रकाश पोरेड्डीवार, माजी आमदार नामदेवराव उसेंडी, डॉ. चंदा कोडवते, लोकसभा समन्वय प्रमोद पिपरे, जिल्हा महामंत्री प्रकाश गेडाम, जिल्हा महामंत्री योगिता पिपरे, यांचेसह मान्यवर उपस्थित होते.
