कोरची : दरवर्षीप्रमाणे यावर्षी सुद्धा कोरची शहरात मुस्लिम बांधवांनी ईद-ए-मिलाद मोठ्या उत्साहात साजरा केला. इस्लाम मध्ये ईद-ए-मिलाद हा सर्वात मोठा दिवस असल्याचे मानले जाते कारण इस्लाम धर्माचे संस्थापक मोहम्मद पैगंबर यांची जयंती ईद-ए-मिलाद म्हणून साजरा केला जातो.
मोहम्मद पैगंबर हे अल्लाहचे प्रेषित होते. इस्लामच्या धारणेनुसार अल्लाहने त्यांच्यामार्फत कुराण हा धर्मग्रंथ लोकांपर्यंत पोहचविला त्यामुळे त्यांना नबी, रसूल आदी नावांनी संबोधित केले जाते.
ईद निमित्त संपूर्ण कोरची शहरातून मिरवणूक अर्थात जुलूस काढण्यात आले. इस्लामच्या शिकवणीनुसार जुलूस निमित्त सर्वत्र सुख शांती नांदावी व मानवाची सर्व त्रासापासून सुटका व्हावी यासाठी कोरची मशजिदीत प्रार्थना करण्यात आली. शहरात सर्वत्र ईद-ए-मिलाद निमित्त उत्साहाचे वातावरण दिसून आले. इस्लाम धर्माचे प्रेषित महंमद पैगंबर यांच्या जयंतीनिमित्त ईद-ए-मिलाद सण साजरा करण्यात येत असून या सणाला ईदों की ईद असेही म्हटले जाते. या उत्सवात कोरची शहरातील संपूर्ण मुस्लिम बांधवांचा सहभाग होता.
