खरीप हंगाम २०२६: राज्यस्तरीय पीक स्पर्धेत भाग घेण्याचे आवाहन; ‘मूग व उडीद’ अर्जासाठी १० ऑगस्टपर्यंत मुदतवाढ!

गडचिरोली दि. ४ ऑगस्ट : राज्यामध्ये पिकांची उत्पादकता वाढवण्यासाठी नवनवीन प्रयोग करणाऱ्या शेतकऱ्यांच्या पाठीवर कौतुकाची थाप मारून त्यांच्या मनोबलात वाढ करण्यासाठी कृषी विभागामार्फत खरीप हंगाम २०२६-२७ साठी राज्यस्तरीय अन्नधान्य, कडधान्य व गळीतधान्य पीक स्पर्धा जाहीर करण्यात आली आहे. या स्पर्धेत जास्तीत जास्त प्रयोगशील शेतकऱ्यांनी सहभागी व्हावे, असे आवाहन कृषी विभागाच्या वतीने करण्यात आले आहे.

प्रशासकीय कामकाजात पारदर्शकता आणि गतिमानता आणण्यासाठी यंदा प्रथमच ऑफलाईन ऐवजी **ऑनलाईन संगणक प्रणाली (Online Portal)** सुरू करण्यात आली आहे.

मूग व उडीद पिकासाठी अर्ज करण्यास मुदतवाढ

ऑनलाईन अर्ज करण्याची ही पहिलीच वेळ असल्याने ‘एक वेळची विशेष बाब’ म्हणून **मूग व उडीद** या पिकांसाठी अर्ज करण्याची मुदत **१० ऑगस्ट २०२६** पर्यंत वाढवण्यात आली आहे.

इतर ९ पिकांसाठी मुदत:** भात, ज्वारी, बाजरी, मका, नाचणी (रागी), तूर, सोयाबीन, भुईमूग व सूर्यफूल या ९ पिकांसाठी **३१ ऑगस्ट २०२६** पर्यंत अर्ज करता येणार आहेत.

स्पर्धेचे निकष व आवश्यक कागदपत्रे:

पात्रता:** शेतकऱ्याकडे स्वतःच्या नावावर जमीन असावी व तो ती स्वतः कसत असावा. एकापेक्षा जास्त पिकांसाठी अर्ज करता येईल.

क्षेत्राची अट: ==सहभागी पिकाखाली किमान **४० आर (१ एकर)** क्षेत्रावर सलग लागवड असणे आवश्यक आहे.

प्रवेश शुल्क: ==सर्वसाधारण गटासाठी प्रतिपीक **रु. ३००/-** आणि आदिवासी गटासाठी **रु. १५०/-** शुल्क राहील.

आवश्यक कागदपत्रे:==फार्मर आयडी (Farmer ID), शुल्क भरल्याची पावती, बँक पासबुक/कन्फर्मेशन चेक, आणि आदिवासी शेतकऱ्यांसाठी जात प्रमाणपत्र.

तालुका, जिल्हा व राज्य स्तरावर रोख पारितोषिके:

अर्ज कसा करावा……?

शेतकरी बांधवांनी कृषी विभागाच्या अधिकृत संकेतस्थळावर [ http://krishi.maharashtra.gov.in ](http://krishi.maharashtra.gov.in) जाऊन **’पीक स्पर्धा’** (Pik Spardha) या टॅबवर ऑनलाईन अर्ज सादर करावा. अधिक माहितीसाठी आपल्या संबंधित तालुका कृषी अधिकारी कार्यालयाशी संपर्क साधावा, असे आवाहन प्रशासनाने केले आहे.