तहसीलदार समशेर पठाण यांची कारवाई
गोंदिया : जिल्ह्यातील वैनगंगा व पांगोली नदीपात्रातून गेल्या अनेक दिवसांपासून रेतीची चोरी सुरू आहे. दरम्यान, जिल्हाधिकारी प्राजित नायर यांच्या आदेशावरून तहसीलदार समशेर पठाण यांनी त्यांच्या सहकाऱ्यांचे पथक तयार करून अवैधरित्या रेती वाहतूक करणारे सहा टिप्पर पकडले. ही कारवाई शुक्रवारी रात्री 11 ते शनिवारी पहाटे 3 वाजेच्या दरम्यान जवळच्या कुडवा गावातील दासगाव रोडवरील मेडिकल कॉलेजजवळ करण्यात आली.
तालुक्यातील डांगोर्ली घाटातून हे टिप्पर नागपूरच्या दिशेने रेती घेऊन जात असताना सहा टिप्पर अडवून त्यांची चौकशी करण्यात आली. त्यानंतर ते परवाना नसताना रेती वाहतूक करत असल्याचे उघड झाले. टिप्पर जिल्हाधिकारी कार्यालयात आणण्यात आले. यातील पाच टिप्पर नागपूरला तर एक अमरावतीकडे रेती वाहतूक करत होते. यासंदर्भात सार्वजनिक बांधकाम विभागाकडून अहवाल आल्यानंतर त्यांच्याकडून दंड आकारण्यात येणार आहे. ही कारवाई तहसीलदार शामखेर पठाण, मंडल अधिकारी आर.एस. बोडखे, प्रवीण रोकडे, पटवारी रोहित बिसेन, गोवर्धन हटवार, प्रफुल्ल कोरे यांनी केली.
