31 बालकांची तपासणी
गोंदिया : राष्ट्रीय बाल स्वास्थ कार्यक्रम अंतर्गत डीइआईसी यांच्या सहकार्याने बाई गंगाबाई स्त्री रुग्णालय, गोंदिया येथे बालकांचे अपरिचित अंडकोष निदान शिबीर झाले. शिबिरामध्ये जिल्हा शल्य चिकित्सक डॉ. अमरीश मोहबे, अतिरिक्त जिल्हा शल्य चिकित्सक डॉ. तृप्ती कटरे, बालशल्य चिकित्सक डॉ. विभु शर्मा, रेडीयोलॉजिस्ट डॉ. आनंद वाघमारे यांच्या सहकार्याने एकूण 31 बालकांची तपासणी करण्यात आल्याची माहीती राष्ट्रीय बाल स्वास्थ्य कार्यक्रमाचे जिल्हा समन्वयक संजय बिसेन यांनी दिली आहे.
मुलाचे वय सहा महिने असताना जेव्हा अंडकोष वृषणापर्यंत पोहचले जात नाही तेव्हा उद्भवणाऱ्या परिस्थितीला अपरिचित अंडकोष असे म्हणतात. यास क्रिप्टोचिडीझंम असेही म्हणतात. या स्थितीत जन्माच्या वेळी एक किंवा दोन्ही अंडकोष गहाळ असू शकतात. तरुण मुलांमध्ये अपरिचित अंडकोष हे सामान्य आहे. 1% नवजात मुलांमध्ये आणि योग्य वेळेपूर्वी जन्मलेल्या 30% मुलांमध्ये कमीतकमी एक अंडकोष गहाळ असल्याची माहीती जिल्हा शल्य चिकित्सक डॉ. अमरीश मोहबे यांनी दिली.
अपरिचित अंडकोष असलेल्या मुलांमध्ये प्रभावीत बाजूस लहान किंवा अविकसित वृषण असणे हे एकच लक्षण असते. काही वेळा वृषणात पुरुषांच्या वीर्योत्पादक ग्रंथी नसतात, याला रिक्त वृषण असे म्हणतात. काही मुलांमध्ये अपरिचित अंडकोष आवळल्या जातात किंवा उदरातील तीव्र वेदनेस कारणीभूत असल्याची माहीती अतिरिक्त जिल्हा शल्य चिकित्सक डॉ. तृप्ती कटरे यांनी दिली.
अपरिचित अंडकोशाची मुख्य कारणं : योग्य वेळेपूर्वी जन्म होणे. रिट्राक्टिल टेस्टीस (वीर्योत्पादन ग्रंथी वृषण आणि मांडीच्या सांध्यादरम्यान मागे पुढे होणे. असामान्य वीर्योत्पादक ग्रंथी. गर्भाशयात बाळाची वाढ होत असताना अडचण येणे.
डॉक्टर सर्वात आधी वृषणाची तपासणी करून एक किंवा दोन्ही अंडकोष नसल्याची खात्री करतात. जर शारीरिक तपासणी अवघड होत असेल तर डॉक्टर, नसलेल्या अंडकोशाचे स्थान निश्चित करण्यासाठी इमेजिंग टेस्ट जसे कि सीटी स्कॅन किंवा अल्ट्रासाऊंड यासारख्या चाचण्या करायला सांगतात.
बालकाचे अपरिचित अंडकोष निदान शिबिरामध्ये जिल्हा कार्यक्रम पर्यवेक्षक संजय बिसेन तसेच डीआईईसी मॅनेजर पारस लोणारे व संपूर्ण वैद्यकिय अधिकारी व कर्मचारी राष्ट्रीय बाल स्वास्थ कार्यक्रम गोंदिया जिल्हा तसेच डीइआईसी गोंदिया येथील संपूर्ण कर्मचारी उपस्थित होते.
