गडचिरोली : गडचिरोली विधानसभा क्षेत्रातील विविध गावांमध्ये मोठ्या प्रमाणामध्ये विकास सुरू असून या क्षेत्राच्या विकासासाठी आपण कोणत्याही परिस्थितीत निधी कमी पडू देणार नाही, असे प्रतिपादन गडचिरोली विधानसभा क्षेत्राचे आमदार डॉ. देवराव होळी यांनी कुनघाडा माल व ठाकरी येथील विविध विकासकामांच्या भूमिपूजन व लोकार्पणप्रसंगी केले.
यावेळी कुनघाडा माल येथील पोलीस भरतीत निवड झालेल्या युवकांचा शाल व श्रीफळ देऊन सत्कार करण्यात आला. याप्रसंगी शिवसेना जिल्हाप्रमुख राकेश बेलसरे, धर्मप्रकाश कुकुडकर, कुनघाडा मालच्या सरपंच माया कन्नाके, उपसरपंच पौर्णिमा गोडसेलवार, पोलीस पाटील मंदा तलांडे यांचेसह स्थानिक पदाधिकारी कार्यकर्ते व स्थानिक नागरिक मोठ्या संख्येने उपस्थित होते.
