गाव पाटील विकास झोरे व ग्रामस्थांची मागणी ; ‘जल जीवन मिशन’च्या पाईपलाईनचीही समस्या
गडचिरोली : एटापल्ली तालुक्याकडे जाणाऱ्या पुन्नूर फाटा ते पेठा फाटा या अंदाजे २ किलोमीटर रस्त्याचे डांबरीकरण रखडल्याने गेल्या अनेक दिवसांपासून अपघात होत आहेत. त्यामुळे हा रस्ता लवकरात लवकर दुरुस्त करण्याची मागणी पुन्नूर गावातील गाव पाटील विकास झोरे आणि इतर ग्रामस्थांनी कसनसूर पोलीस ठाणेमार्फत जिल्हाधिकाऱ्यांकडे केली आहे.
ग्रामस्थांनी जिल्हाधिकाऱ्यांना विनंती केली आहे की, या रस्त्याचे काम हाती घेतलेल्या ठेकेदारांना तातडीने रस्ता दुरुस्त करण्याचे आदेश देऊन ग्रामस्थांच्या अडचणी दूर कराव्यात. याशिवाय, पुन्नूर गावातील आणखी एक मुख्य समस्या म्हणजे जल जीवन मिशन योजनेअंतर्गत सुरू असलेली पाईपलाईन नादुरुस्त झाली आहे. ही समस्या देखील त्वरित सोडवून द्यावी अशी विनंती ग्रामस्थांनी केली आहे. पुन्नूर गावातील ग्रामस्थांनी आशा व्यक्त केली आहे की, जिल्हाधिकारी त्यांच्या दोन्ही समस्या लवकरात लवकर सोडवतील.
